ცხადდება 2022 წლის კონკურსი - „ვწერ თავისუფალ თემას“ მეათე-მეთორმეტე კლასის მოსწავლეებისთვის. კონკურსის მიზანია განსაკუთრებული ჰუმანიტარული ნიჭით დაჯილდოებული მოსწავლეების გამოვლენა.
კონკურსის იდეის ავტორი, საორგანიზაციო საბჭოსა და ჟიურის თავმჯდომარეა გია მურღულია - ფილოლოგიის დოქტორი, სკოლა „ლოგოსის“ სამეცნიერო ხელმძღვანელი, საზოგადოებრივი მაუწყებლის სამეურვეო საბჭოს წევრი.
კონკურსის ორგანიზატორები:
- საქართველოს ეროვნული უნივერსიტეტი SEU;
- საქართველოს სკოლის ადმინისტრატორთა ასოციაცია;
- ქართული ენისა და ლიტერატურის მასწავლებელთა ასოციაცია;
- საქართველოს პედაგოგთა და მეცნიერთა თავისუფალი პროფკავშირი (სპმთპ).
კონკურსის მხარდამჭერები:
- საქართველოს განათლებისა და მეცნიერების სამინისტრო;
- საქართველოს პირველი არხი - საზოგადოებრივი მაუწყებელი;
- საქართველოს პარლამენტის ეროვნული ბიბლიოთეკა;
- მასწავლებელთა პროფესიული განვითარების ეროვნული ცენტრი.
კონკურსის მასპინძელი და მთავარი სპონსორი
- საქართველოს ეროვნული უნივერსიტეტი SEU.
კონკურსში მონაწილეობის პირობები
- კონკურსში მონაწილეობის მიღება შეუძლიათ მეათე-მეთორმეტე კლასების მოსწავლეებს, რომელთა წარმოდგენის უფლება ენიჭებათ საჯარო და კერძო ზოგადსაგანმანათლებლო დაწესებულებებს. თითოეული სკოლიდან შესაძლოა მოვლინებული იყოს არაუმეტეს 3 მოსწავლისა.
რეგისტრაცია დასრულებულია!
დეტალური ინფორმაცია იხილეთ მიბმულ ფაილში
