სეუ - საქართველოს ეროვნული უნივერსიტეტი

რეგისტრაცია კონფერენციაზე

საერთაშორისო სტუდენტურ კონფერენციაზე - ”SEU ISC W-2024” რეგისტრაცია დაიწყო.

საერთაშორისო სტუდენტურ კონფერენციაში ”SEU ISC W-2024” მონაწილეობის მიღება შეუძლია ყველა ავტორიზებული უნივერსიტეტის ბაკალავრიატის და მაგისტრატურის საფეხურის სტუდენტს შემდეგი მიმართულებებით:

• ბიზნესი, ტურიზმი, ეკონომიკა, მართვა;

• სამართალი;

• საერთაშორისო ურთიერთობები;

• ფსიქოლოგია;

• ჟურნალისტიკა;

• მედიცინა.
  
  

კონფერენციაში მონაწილეობის მიღების პირობები:

• სტუდენტმა რეგისტრაცია უნდა გაიაროს მოცემულ ბმულზე არაუგვიანეს 2024 წლის 17 იანვრისა.
  
  

აბსტრაქტის შესრულების წესი: 

• აბსტრაქტის მოცულობა 100-300 სიტყვა.
• აბსტრაქტი შესრულებული უნდა იყოს ორ ენაზე: ქართული და ინგლისური.
• საკვანძო სიტყვები მოყვანილი უნდა იყოს ქართულ და ინგლისურ ენებზე;
  
  

კონფერენციაზე ნაშრომების წარმოდგენა აუცილებელია PowerPoint  პრეზენტაციის სახით. ნაშრომი შესაძლებელია წარმოდგენილი იყოს როგორც ქართულ, ისე ინგლისურ ენაზე.  მიიღება როგორც ინდივიდუალური, ასევე თანაავტორობით შესრულებული ნაშრომები (არაუმეტეს 2 თანაავტორისა. გამონაკლისი შესაძლებელია, დაშვებულ იქნას ინტერდისციპლინარული ნაშრომის შემთხვევაში).

• მონაწილეს ან თანაავტორებს შეუძლიათ, წარმოადგინოს მხოლოდ ერთი მოხსენება;

• თანაავტორის არსებობის შემთხვევაში რეგისტრაციისას მიუთითეთ ორივე ავტორის სახელი და გვარი;

• მიუთითეთ თემის სახელწოდება;

• სტუდენტურ ნაშრომს (გარდა დოქტორანტებისა) უნდა ჰყავდეს სამეცნიერო ხელმძღვანელი, რომელიც არის უნივერსიტეტის აკადემიური პერსონალი;

• მონაწილეთა ნაშრომები უნდა შეესაბამებოდეს საქართველოს ეროვნული უნივერსიტეტი SEU-ს აკადემიური კეთილსინდისიერების სტანდარტს;

• ნაშრომების აბსტრაქტები გამოქვეყნდება საქართველოს ეროვნული უნივერსიტეტი SEU-ს საკონფერენციო მოხსენებათა აბსტრაქტების კრებულში;

• კონფერენციის სამუშაო ენებია: ქართული ან/და ინგლისური.
  
  

კონფერენციაზე რეგისტრაციის ვადა:

• რეგისტრაციის (აბსტრაქტის წარმოდგენის) ვადა ბმულზე არაუგვიანეს 2024 წლის 17 იანვრისა;

• დასტურს კონფერენციაში მონაწილეობის შესახებ მიიღებთ მხოლოდ სრულყოფილად რეგისტრაციის (მათ შორის აბსტრაქტის წარმოდგენის) შემთხვევაში, არაუგვიანეს 2024 წლის 23 იანვრისა.

კონფერენციის ჩატარების თარიღი: 2024 წლის 27 იანვარი

კონფერენციის ჩატარების ადგილი: თბილისი, წინანდლის 9, საქართველოს ეროვნული უნივერსიტეტი სეუ

კითხვები, კონფერენციის თაობაზე მოგწერეთ ელ-ფოსტაზე: [email protected];

კონფერენციაში მონაწილეობა უფასოა და დასწრება თავისუფალია;

კონფერენციის ყველა მონაწილეს გადაეცემა სერტიფიკატი, ხოლო ნაშრომების აბსტრაქტები გამოქვეყნდება კონფერენციის მოხსენებათა აბსტრაქტების კრებულში.

კონფერენციაში მონაწილეობა ერთერთი წინაპირობაა სეუს სტიპენდიის მოსაპოვებლად.