8 ივნისს, საქართველოს ეროვნულ უნივერსიტეტ SEU-ში აღმასრულებელი ბიზნესის ადმინისტრირების სამაგისტრო პროგრამის სამუშაო ჯგუფის ინიციირებით ჩატარდა ტრენინგი თემაზე: ,,აღმასრულებელი ფინანსური დირექტორის ფუნქციები".
მომხსენებელი: პოლ რასელ კლარკი, საქართველოში 20 წლიანი პროექტების კონსულტირების გამოცდილების მქონე, საერთაშორისო ბიზნესის ექსპერტი.
ტრენინგის სამიზნე აუდიტორია გახლდათ - აღმასრულებელი რგოლის მენეჯერები, კომპანიების ფინანსური განყოფილების თანამშრომლები, პროექტების მენეჯერები. ასევე, ბიზნესისა და ტექნოლოგიების ფაკულტეტის სამაგისტრო პროგრამის სტუდენტები და ერთწლიანი აღმასრულებელი ბიზნესის ადმინისტრირების მაგისტრატურით დაინტერესებული კანდიდატები.
შეხვედრა ჩატარდა SEU-ს ბიზნესის და ტექნოლოგიების ფაკულტეტის მხარდაჭერით.
ტრენინგის ბოლოს მონაწილეებს გადაეცათ ორენოვანი სერტიფიკატი.
