SEU-მ გაიმარჯვა USAID-ის სამოქალაქო განათლების პროგრამის მიერ უნივერსიტეტებისთვის გამოცხადებულ საგრანტო კონკურსში
20 მაისი, 2024
საქართველოს ეროვნული უნივერსიტეტი SEU-ს გუნდმა USAID-ის სამოქალაქო განათლების პროგრამის ფარგლებში, უნივერსიტეტებისთვის გამოცხადებულ საგრანტო კონკურსში გაიმარჯვა, რომელსაც ახორციელებს PH INTERNATIONAL საქართველო "აშშ-ის საერთაშორისო განვითარების სააგენტოს (USAID) დაფინანსებით და საქართველოს განათლების, მეცნიერებისა და ახალგაზრდობის სამინისტროს მხარდაჭერით".
პროექტის სახელწოდებაა: „ხვალინდელი მოქალაქე“.
საგრანტო კონკურსის მიზანია უნივერსიტეტებსა და სკოლებს შორის სამოქალაქო განათლების მიმართულებით თანამშრომლობის გაღრმავება და საგანმანათლებლო პროგრამებში სამოქალაქო განათლების პრინციპების ინტეგრირება.
საგრანტო კონკურსში გამარჯვებული გუნდის წევრები არიან:
- ნონა ზუმბაძე - ხარისხის განვითარების დეპარტამენტის ხელმძღვანელი;
- ანა ფირცხალაშვილი - ვიცე-რექტორი კვლევითი მიმართულებით;
- ლია ანთაძე - განათლების ადმინისტრირების სამაგისტრო პროგრამის ხელმძღვანელი;
- გიორგი დონაძე - კლინიკური ფსიქოლოგიის სამაგისტრო პროგრამის ხელმძღვანელი;
- ლიანა აფაქიძე - კარიერული განვითარებისა და კურსდამთავრებულებთან ურთიერთობის სამსახურის უფროსი.
პროექტის შედეგად:
- SEU-ს განათლების ადმინისტრირების სამაგისტრო პროგრამის ფარგლებში შეიქმნება ახალი სასწავლო კურსი;
- უნივერსიტეტის პერსონალისა და განათლების ადმინისტრირების სამაგისტრო პროგრამის სტუდენტების ჩართულობით გაღრმავდება სკოლებთან თანამშრომლობა;
- უნივერსიტეტის ბაზაზე დაფუძნდება მოსწავლეთა სამოქალაქო განათლების კლუბი;
- სასკოლო სივრცეში სამოქალაქო ცნობიერების ფორმირების მიზნით განხორციელდება სამოქალაქო განათლების სწავლების ხელშეწყობა;
- გაიმართება შემაჯამებელი კონფერენცია, სადაც პროექტში ჩართული სკოლები საუკეთესო პრაქტიკას წარმოგვიდგენენ.
პროექტის ხანგრძლივობაა: 10 თვე.
პროექტის ბენეფიციარები: სხვადასხვა რეგიონის სკოლის წარმომადგენლები და მოსწავლეები.