მობილობა SEU-ში
09 სექტემბერი, 2022
საქართველოს ეროვნულ უნივერსიტეტ სეუ-ში 2022-2023 სასწავლო წლის შემოდგომის სემესტრის მობილობის მსურველ პირთა ელექტრონულ პორტალზე https://students.emis.ge რეგისტრაცია იწარმოებს მიმდინარე წლის 22 აგვისტოდან 7 სექტემბრის 18:00 საათამდე.
მობილობის შედეგების ნახვა შესაძლებელი იქნება პორტალზე https://students.emis.ge
ელექტრონულ პორტალზე გამოქვეყნებული დადებითი შედეგების საფუძველზე სეუ-ში მობილობის წესით ჩარიცხვის მსურველთა რეგისტრაცია იწარმოებს მიმდინარე წლის 13 სექტემბრიდან 20 სექტემბრის ჩათვლით (შაბათ-კვირის გარდა) 10:00 საათიდან 18:00 საათამდე.
სეუ-ში წარმოსადგენი დოკუმენტაციის ნუსხა:
ჩარიცხვამდე:
- განცხადება რექტორის სახელზე(ივსება ადგილზე);
- პასპორტი ან პირადობის დამადასტურებელი დოკუმენტის ასლი;
- საშუალო განათლების დამადასტურებელი დოკუმენტის/ატესტატის ქსეროასლი, ხოლო მაგისტრანტების შემთხვევაში ბაკალავრის ან მასთან გათანაბრებული აკადემიური ხარისხის დამადასტურებელი დოკუმენტის/დიპლომის ასლი;
- სტუდენტის სასწავლო ბარათის დამოწმებული ასლი;
- სტუდენტის თავდაპირველი ჩარიცხვისა და სხვა სტატუსის განმსაზღვრელი ბრძანებების დამოწმებული ასლები;
ჩარიცხვის შემდეგ:
- საშუალო განათლების დამადასტურებელი დოკუმენტის დედანი ან ნოტარიულად დამოწმებული ასლი,ხოლო მაგისტრანტების შემთხვევაში ბაკალავრის ან მასთან გათანაბრებული აკადემიური ხარისხის დამადასტურებელი დოკუმენტის/დიპლომის დედანი ან ნოტარიულად დამოწმებული ასლი;
- სტუდენტის სასწავლო ბარათი;
- ფოტოსურათი 3X4 (CD-ზე ელექტრონულად);
- წვევამდელის სამხედრო სააღრიცხვო მოწმობის ასლი (საქართველოს მოქალაქე ვაჟებისთვის);
- სტუდენტის სტატუსის შეწყვეტის ბრძანება.
სწავლის საფასური:
- საბაკალავრო პროგრამებზე - 2990 ლარი
- მედიცინის ერთსაფეხურიან ინგლისურენოვან პროგრამაზე - 4990 ლარი
სწავლის საფასური სამაგისტრო პროგრამებზე:
- კლინიკური ფსიქოლოგია 2990 ლარი
- სამართალი - 2770 ლარი
- ადამიანური რესურსების მართვა - 2490 ლარი
- სოციალური ფსიქოლოგია - 2250 ლარი
- განათლების ადმინისტრირება - 2250 ლარი
- საბანკო საქმე - 2250 ლარი