4 ივნისს, SEU-ში ჩატარდა კონკურსის „ვწერ თავისუფალ თემას" 2022 წლის გამარჯვებულთა დაჯილდოების ცერემონია.
კონკურსში საქართველოს სხვადასხვა სკოლის 750-მდე მოსწავლე მონაწილეობდა, ხოლო ფინალში 122 კონკურსანტი გადავიდა. ფინალურ ტურზე იმდენად დიდი კონკურენცია და თხზულებათა მაღალი ხარისხი იყო, რომ კონკურსის ჟიურიმ გამარჯვებულებად ათის ნაცვლად 15 კონკურსანტი გამოაცხადა: 3 - აბსოლიტური გამარჯვებული, 8 - გამორჩეული და 4 - წარჩინებული. ფინალში ისეთი რამ მოხდა, რამაც ჟიურის წევრებიც გააოცა - სამმა კონკურსანტმა ზუსტად ერთნაირი შედეგი აჩვენა. ასეთი შედეგის გამო, კონკურსის ჟიურის გადაწყვეტილებით, სამივე კონკურსანტს პირველი ადგილი მიენიჭა და კონკურსის მთავარი სპონსორისგან ერთნაირი ფულადი ჯილდო გადაეცა.
კონკურსის სამი გამარჯვებული გახდა:
გამარჯვებულ სამ მოსწავლეს SEU-სგან გადაეცა ათას-ათასი ლარი, მათ მასწავლებლებს კი - 700-700 ლარი. ასევე, სამივე მასწავლებელი პედაგოგთა და მეცნიერთა თავისუფალმა პროფკავშირმა დააჯილდოვა 500-500 ლარით.
გამარჯვებული და მათი მასწავლებლები ბაკურ სულაკაურის გამომცემლობამ, ინტელექტმა, საქართველოს მაცნემ და პეგასმა შესანიშნავი წიგნების სხვადასხვა პაკეტით და სასაჩუქრე ვაუჩერებით დააჯილდოვა.
15 გამარჯვებულის გარდა, ჟიურიმ კიდევ გამოარჩია 19 მონაწილე - ჟიურის სიმპატია, რომელთა ნაშრომები, გამარჯვებულების თხზულებებთან ერთად, სპეციალურ კრებულში დაიბეჭდება და ქართველ საზოგადოებას ექნება შესაძლებლობა, გაეცნოს ჩვენი მოსწავლეების ნიჭიერებას - ფიქრისა და გამოხატვის კულტურას.
ღონისძიებას ზუმით ჩაერთნენ საქართველოს პარლამენტის განათლებისა და მეცნიერების კომიტეტის ხელმძღვანელები - გიორგი ამილახვარი და თამარ ტალიაშვილი. მათ კონკურსანტებსა და მათ მასწავლებელებს წარმატება მიულოცეს და გამოაცხადეს, რომ გამარჯვებულ მოსწავლეებს პარლამენტში მიიწვევენ.
ცერემონიის საპატიო სტუმარი იყო საქართველოს განათლებისა და მეცნიერების მინისტრის პირველი მოადგილე თამარ მახარაშვილი, რომელმაც გამარჯვებულებს მიულოცა წარმატება და პირველ სამეულს პრიზები გადასცა. ქალბატონმა თამარმა გამოაცხადა, რომ წარმატებულ კონკურსანტებს მიიწვევს შეხვედრაზე და მათგან წამოსული ყველაზე საინტერესო ხედვებისა და პროექტების განხორციელებაში სამინისტრო დაეხმარება შესაბამის სკოლებს.
დაჯილდოების ცერემონიას უძღვებოდა კონკურსის „ვწერ თავისუფალ თემას“ იდეის ავტორი და ჟიურის თავმჯდომარე - გია მურღულია, რომელმაც საგანგებო მადლობა გადაუხადა კონკურსის მთავარ სპონსორს და ორგანიზატორს - საქართველოს ეროვნული უნივერსიტეტი სეუ-ს და კონკურსის მხარდაჭერებს: განათლებისა და მეცნიერების სამინისტროს, მასწავლებელთა პროფესიული განვითარების ეროვნულ ცენტრს, ეროვნულ ბიბლიოთეკას და საქართველოს საზოგადოებრივ მაუწყებელს - თანადგომისა და კონკურსის გაშუქებისთვის.
კონკურსი ტრადიციულია და გაისადაც გაიმართება.
უნივერსიტეტი
სეუ-ს შესახებ
სტრუქტურა
პარტნიორები
ვაკანსიები
ანონსები
სიახლეები
დოკუმენტაცია
საერთაშორისო ურთიერთობები
სწავლა
ჩარიცხვა
სასწავლო პროცესი
ფინანსური პოლიტიკა
აკადემიური კალენდარი
ფაკულტეტები
პირველკურსელთა გზამკვლევი
სწავლის საფასური
ბიბლიოთეკა
კვლევა
სტრატეგია და მიზნები
მართვა
ინსტიტუციური კვლევითი ფონდი (IRF)
ღონისძიებები და კონფერენციები
კვლევითი პროექტები და საგრანტო კონკურსები
გამოცემები
აკადემიური კეთილსინდისიერება
სასარგებლო ინფორმაცია
ევროპული ინტეგრაციის კვლევითი ცენტრი
სტუდენტური ცხოვრება
SEU სპორტი
ხელოვნება და კულტურა
სტუდენტური თვითმმართველობა
სტუდენტური კლუბები
კარიერული სერვისები
კარიერული განვითარებისა და კურსდამთავრებულებთან ურთიერთობის სამსახური
როგორ ვიპოვოთ სასურველი სამუშაო
რჩევა CV - რეზიუმეს შესადგენად
გზამკვლევი საუკეთესო სამოტივაციო წერილისთვის
როგორ მოვემზადოთ გასაუბრებისთვის
იხილეთ CV ფორმა
კურსდამთავრებულთა კლუბი
პარტნიორები