საერთაშორისო ურთიერთობების სამსახური უზრუნველყოფს უნივერსიტეტის საერთაშორისო თანამშრომლობის გაღრმავებას, საგანმანათლებლო პროცესისა და კვლევითი მუშაობის ინტერნაციონალიზაციას, საერთაშორისო პარტნიორების მოძიებასა და საერთაშორისო პროექტების შესრულების კოორდინირებას.

საერთაშორისო ურთიერთობების სამსახური თავისი ამოცანების მისაღწევად, ახორციელებს შემდეგ უფლებამოსილებებს:

• შეიმუშავებს უნივერსიტეტის საერთაშორისო ურთიერთობების სტრატეგიას;
• მოიძიებს ინფორმაციას საერთაშორისო პარტნიორი უმაღლესი საგანმანათლებლო დაწესებულების, კვლევითი და საზოგადოებრივი ორგანიზაციების შესახებ, უზრუნველყოფს მათთან კომუნიკაციას და ერთობლივი პროექტების შემუშავებას;
• აკადემიურ პერსონალთან კონსულტაციების საფუძველზე მუშაობს უნივერსიტეტის საგანმანათლებლო პროგრამებში საერთაშორისო საგანმანათლებლო დაწესებულებების სპეციალისტების ჩართვის თაობაზე;
• მოიძიებს ინფორმაციას სტუდენტებისა და აკადემიური პერსონალის საერთაშორისო მობილობის შესახებ;
• უზრუნველყოფს ერთობლივი საგრანტო, სასტიპენდიო და კვლევითი პროექტების კოორდინირებას უნივერსიტეტის სახელით;
• ეხმარება საერთაშორისო სტუდენტებს უნივერსიტეტის საგანმანათლებლო პროგრამებში ჩართვაში;  
• ზრუნავს უცხოელი სტუმრების უნივერსიტეტში მიღებაზე;
• ასრულებს სხვა მიმდინარე ამოცანებს უნივერსიტეტის საერთაშორისო ურთიერთობების სტრატეგიიდან გამომდინარე.