სეუ - საქართველოს ეროვნული უნივერსიტეტი

სწავლის შედეგები

ჟურნალისტიკის დამატებითი პროგრამის სასწავლო კომპონენტების (საუნივერისტეტო, სპეციალობის სავალდებულო და არჩევითი სასწავლო კურსების) შინაარსი, სწავლის და სწავლების მეთოდებისა და კრედიტების მოცულობის გათვალისწინებით, უზრუნველყოფენ ამ კომპონენტით დასახული სწავლის შედეგების მიღწევას და მათი ერთობლიობა უზრუნველყოფს პროგრამით სწავლის შედეგების მიღწევას უმაღლესი განათლების კვალიფიკაციათა ჩარჩოს პირველი საფეხურისათვის ადექვატური კომპეტენციის დონით.
ცოდნა და გაცნობიერება
ჟურნალისტიკის დამატებითი პროგრამის კურსდამთავრებულს აქვს სოციალური მეცნიერებების მიმართულების შესახებ (მასობრივი კომუნიკაცია, საზოგადოებასთან ურთიერთობის საკითხები) და ჟურნალისტიკის სფეროს ცალკეული ინსტიტუტების თეორიული და პრაქტიკული საკითხების გარშემო ფართო ცოდნა, რომელიც მოიცავს თეორიებისა და პრინციპების კრიტიკულ გააზრებას და აცნობიერებს ამ დარგის/სფეროს რიგ კომპლექსურ საკითხებს, კერძოდ კურსდამთავრებული:

• იცნობს ჟურნალისტის პროფესიული საქმიანობის სფეროს, იცის ჟურნალისტიკის ძირითადი ცნებები და ტერმინოლოგია, ჟურნალისტიკის როგორც პროფესიის არსსა და საზოგადოებრივ როლი, იცნობს ჟურნალისტიკის, როგორც მეცნიერების, პრინციპებს, ძირითად თეორიებს, პროფესიული და ეთიკური სტანდარტების შინაარსს; 
• იცნობს მასობრივი ინფორმაციის საშუალებათა სისტემებს და აცნობიერებს მათ უთიერთდამოკიდებულებას;
• აცნობიერებს ჟურნალისტის პროფესიის თავისებურებებს, გაცნობიერებული აქვს ჟურნალისტისათვის სიზუსტის დაცვისა და ინფორმაციის გადამოწმების მნიშვნელობა; ინფორმაციის დაბალანსებული გადაცემა, იცნობს თანამედროვეობის აქტუალური პრობლემატიკის ჟურნალისტურ ფაქტად გადაქცევისა და ჟურნალისტური ტექსტის ფორმატირების წესებს.

კურსდამთავრებულმა იცის :

• მედია სამართლის და თვითრეგულირების ძირითადი პრინციპები. გაცნობირებული აქვს საერთაშორისო ნორმატიულ აქტების, საქართველოში მოქმედი კანონების თეზისები, რომლებიც უშუალოდ უკავშირდება ჟურნალისტის პროფესიულ საქმიანობას. 
• რა არის საზოგადოებასთან ურთიერთბა (PR) და რეკლამა. რა სხვაობაა მათ შორის. შესწავლილი აქვს საზოგადოებასთან ეფექტიანი ურთიერთობის მიღწევის წესები, ძირითადი მიმართულებები და კლასიკური მოდელები. იცის საზოგადოებასთან ურთიერთობის პროფესიული ეთიკა (პროფესიული ქცევის საერთაშორისო და ეროვნული დოკუმენტები), ერკვევა მარკეტინგულ PR-ში და სხვ. ერკვევა მედიაში არსებული ყველა სახის რეკლამის თავისებურებებში, შეუძლია რეკლამის ფსიქოლოგიური მომენტების ეფექტურად გამოყენება, პოლიტიკური და სოციალური რეკლამების ნიუანსებში ჩაწვდომა. 
• ინტერნეტჟურნალისტიკის პრინციპები, ინტერნეტის საშუალებით ინფორმაციის მოპოვების, დამუშავების და გადამოწმების ტექნიკების (სხვადასხვა წყაროების, მონაცემების და ა.შ.) ხერხები; მედიის სფეროში გამოსაყენებელ კლასიკური და თანამედროვე პოლიტტექნოლოგიების არსი.
• ზეპირმეტყველების და ნორმები; აქვს ფართო ცოდნა ქართული ენის თავისებურებებისა და ორთოგრაფია– ორთოეპიის საკითხების შესახებ.•აცნობიერებს ზეპირმეტყველების კულტურის ნორმების პროფესიულ საქმიანობაში გამოყენების მნიშვნელობას.
• ქართული ჟურნალისტიკის ჩასახვისა და განვითარების ძირითადი ეტაპები და ტენდენციები. გაანალიზებული აქვს ქართული პუბლიცისტური აზროვნების განვითარების გზა, ქართველი რედაქტორებისა და პუბლიცისტების შემოქმედება.

ცოდნის პრაქტიკაში გამოყენების უნარი

კურსდამთავრებულს შეუძლია ჟურნალისტიკის სფეროსთვის დამახასიათებელი ზოგიერთი მეთოდების გამოყენება პრობლემების გადასაჭრელად, რაც აისახა შემდეგ კომპეტენციებში:

კურსდამთავრებულს:

• შეუძლია სფეროს შესახებ მიღებული ცოდნის - ჟურნალისტიკის პროფესიული საქმიანობის პრინციპების, ინფორმაციის ძიების, მედიატექსტის შექმნა-ფორმატირების თანამედროვე მიდგომების გამოყენება
• შეუძლია სხვადასხვა ჟანრისა და სახეობის მედია პროდუქციის მომზადება; აქტუალური პრობლემების გადაჭრის პრაქტიკული გზების დადგენა; პრობლემების გადაჭრის ალტერნატიული საშუალებების განსაზღვრა; ჟურნალისტური პროცესების ანალიზი, ფორმალიზება, კლასიფიცირება; პროფესიოული გადაწყვეტილებების მიღებაში მონაწილეობა.
• შეუძლია ჟურნალისტური ამოცანის შესაბამისად, მასალის ოპერატიულად მოპოვება, მის ობიექტურად და მიუკერძოებლად გადაცემა ჟანრის შესაბამისად; მნიშვნელოვანი ფაქტის, მოვლენის მაყურებლამდე საინტერესოდ მიტანა (კადრი, რაკურსი, ხედი, მონტაჟი, კადრშიგნით და კადრსგარეთ ტექსტი).
• აქვს საჭირო რესურსების გამოყენების შედეგად ინფორმაციის მოპოვების უნარი (მაგ: ონლაინ ღია-რესურსების და საარქივო მასალების ძიება, სტატისტიკური მონაცემების მოპოვება, ელექტრონული მონაცემების მოძიება)
• შეუძლია პროფესიულ საქმიანობაში თანამედროვე საინფორმაციო ტექნოლოგიების გამოყენება. პროფესიული საქმიანობისათვის აუცილებელი კონტაქტების ბაზის შექმნა და მუდმივად განახლება.
• შეუძლია სიტყვისა და გამოხატვის თავისუფლების პრინციპების, ადამიანის უფლებებისა და მედიის თავისუფლების შესახებ შეძენილი ცოდნა გამოიყენოს პროფესიული საქმიანობის განხორციელების პროცესში. 
• შეუძლია ეფექტური PR ტექნოლოგიის გამოყენება, აქტიური მონაწილეობის მიღება PR კამპანიაში. კრიზისული სიტუაციების დროს PR-ის წარმართვა. 
• აქვს ინტერნეტ ბაზარის შესწავლის, მასობრივ საინფორმაციო საშუალების საიტისათვის მასალის მომზადების უნარი. ინტერნეტმედია რესურსის შექმნის უნარი, მედია სოციალური ქსელების არხების, როგორც ბაზრის, შესწავლისა და მედიის სოციალური ქსელების არხების ინფორმაციის გაცვლის თვასაზრისით გაძლიერების უნარი;
• აქვს ქართული ენის ზეპირმეტყველების კულტურის ნორმათა შესატყვისი ტექნოლოგიების პროფესიულ საქმიანობაში მიზნობრივი გამოყენების უნარი;
• შეუძლია მედიატექსტის რედაქტირება
• შეუძლია მასობრივ კომუნიკაციათა წყაროების შეფასება.
• დასკვნის უნარი
• შეუძლია პროფესიული ამოცანის გადასაჭრელად აუცილბელი მონაცემების შეგროვება და მათ გამოყენების და გამოყენების ფორმის თაობაზე დასკვნის მიღება განმარტება, ასევე განყენებული მონაცემებისა და/ან სიტუაციების ანალიზი სტანდარტული და ზოგიერთი გამორჩეული მეთოდის გამოყენებით, დასაბუთებული დასკვნის ჩამოყალიბება:
• აქვს ინფორმაციის წყაროების მოძიების, დამუშავების, ინფორმაციის შექმნის, მასობრივი ინფორმაციის საშუალებებით მისი გავრცელების ფორმისა და შინაარსის, ასევე პროფესიული ჟურნალისტური აბსტრაქტული პრობლემების და სიტუაციების თანამედროვე ჟურნალიზმის მეთოდების, ან კრიტიკული აზროვნების გამოყენებით პროფესიული სტანდარტების შესატყვისი ანალიზისა და არგუმენტირებული დასკვნის ჩამოყალიბების უნარი პროფესიული ამოცანის გადასაჭრელად.
• შეუძლია ჟურნალისტიკის სფეროსათვის დამახასიათებელი მონაცემების შეგროვება, განმარტება, პროფესიული სიტუაციების ანალიზი, სტანდარტული ან სპეციფიური მეთოდის გამოყენებით და დასაბუთებული დასკვნის ჩამოყალიბება. 
• შეუძლია კონკრეტული ამოცანის ოპერატიულად გადასაჭრელად აქტუალობის მიხედვით ინფორმაციის დახარისხება და ოპტიმალური შერჩევა, ინფორმაციის გადმოცემის საუკეთესო ვარიანტისთვის არასტანდარტულ სიტუაციაში აუდიო-ვიზუალურად მომგებიანი მასალის შერჩევა; 
• აქვს კრიტიკული აზროვნების, საკუთარი აზრის ჩამოყალიბების და არგუმენტირებულად დაცვის უნარი; თვითანალიზის უნარი. 
• შეუძლია გადაწყვეტილებების მიღება, საკუთარი პრინციპების დასაბუთება და დაცვა, მიზნობრივი პრობლემის გადასაწყვეტად არჩეული მეთოდების მიზანშეწონილობაზე არგუმენტირებული დასკვნის ჩამოყალიბება.
• გააჩნია ეთიკურ და პროფესიულ სტანდარტებზე დაყრდნობით პროფესიული საქმიანობის შეფასების უნარი.

კომუნიკაციის უნარი

სტუდენტს შეუძლია იდეების, არსებული პრობლემებისა და მისი გადაჭრის გზების შესახებ დეტალური წერილობითი ანგარიშის მომზადება და ინფორმაციის სპეციალისტებისა და არასპეციალისტებისათვის ზეპირად გადაცემა, კომუნიკაცია პროფესიული ურთიერთობის სფეროში (კოლეგებთან, სახელმწიფო ორგანოებთან, რესპონდენტებთან, ჟურნალისტური პროდუქციის მომხმარებლებთან და ა.შ.)

კურსდამთავრებულს:

• შეუძლია კომუნიკაციის დამყარება როგორც პროფესიონალებთან, ისე არასპეციალისტებთან - ფართო მკითხველ საზოგადოებასთან - მასობრივ მკითხველთან;
• აქვს იდეებისა და ინფორმაციის გენერირების და თანმიმდევრულად გადაცემის უნარი. რესპონდენტებთან კომუნიკაციის დამყარების, პრიორიტეტების განსაზღვრის, თემატიკსა და წყაროების მოიძიების უნარი.
• შეუძლია ინფორმაციის მოსაპოვებლად და გადასამოწმებლად ოფიციალურ სტრუქტურებთან, საჯარო პირებთან, სხვა რესპოდენტებთან ზეპირი და წერილობითი ფორმით კომუნიკაცია;
• აქვს სოციალური ქსელების საშუალებით მოხმარებლებთან და რესპონდენტებთან აქტიური კომუნიკაციის მიღების უნარი;
• შეუძლია საზოგადოებასთან წარმატებული ურთიერთობა და კოლეგებთან საქმიანი ურთიერთობის დამყარება.
• აქვს სწავლის უნარი
• შეუძლია საკუთარი სწავლის პროცესის თანმიმდევრულად და მრავალმხრივად შეფასება, შემდგომი სწავლის საჭიროებების დადგენა, კერძოდ, გააზრებული აქვს სწავლისა და განვითარების მიმართულებით ცოდნის მუდმივად გაღრმავების აუცილებლობა, როგორც პროფესიაში წარმატების პირობა, გათავისებული აქვს დარგის აკადემიური გამოწვევები და მედიის სფეროს სიახლეების უწყვეტად მიდევნების საჭიროება; 
• შეუძლია მიღებული ცოდნის საფუძველზე სწავლის პროცესის, სფეროს გამოწვევებისა და საკუთარი აკადემიური თუ პროფესიული პროფილის ობიექტურად, თანმიმდევრულად და მრავალმხრივად შეფასება. 
• აქვს ჟურნალისტიკის სფეროს შესახებ მიღებული ცოდნისა და პრაქტიკული გამოცდილების თანმიმდევრული გააზრებისა და შეფასების საფუძველზე, აკადემიური და პროფესიული ინტერესების სფეროს განსაზღვრის, და, აღნიშნულის საფუძველზე, შემდგომი სწავლის საჭიროებების დადგენის უნარი -სწავლის გაგრძელების თუ პროფესიული დახელოვნების საჭიროების განსაზღვრის და მათი თანმიმდევრულად განხორციელების უნარი
• გააჩნია შესრულებული სამუშაოს მრავალმხრივი შეფასების და შეფასების საფუძველზე, ცოდნის კონკრეტული მიმართულებით განახლება-გაღრმავების საჭიროების დადგენის უნარი.

 ღირებულებები

• სტუდენტი მონაწილეობს ღირებულებების ფორმირების პროცესში და ისწრაფვის მათ დასამკვიდრებლად, რაც გამოიხატება შემდეგში:
• ჟპრაქტიკული ჟურნალისტიკის სფეროების ღირებულებების (სიმართლე, ობიექტურობა, კონფიდენციალურობა, დამოუკიდებლობა, პატიოსნება, ადამიანის უფლებების პატივისცემა) გათავისება, სამართლიანობის გრძნობის ფორმირება და სწრაფვა მისი დამკვიდრებისკენ. 
• ჟურნალისტური პროფესიული ეთიკის პრინციპებისა და ნორმების ერთგულება, დაცვის განუხრელი მცდელობა და დემოკრატიული, თავისუფალი ჟურნალისტიკის იდეალების დასამკვიდრებლად მუდმივი სწრაფმა. 
• კურსდამთავრებულს შეუძლია მონაწილეობა მედიაეთიკის ღირებულებათა დამკვიდრებაში და მედიასამართლის ნორმათა დაცვაში.
• შეუძლია სამართლიანობის გრძნობის ფორმირება და ჟურნალისტური ეთიკური დილემების სამართლიანად გადაწყვეტა;