სეუ - საქართველოს ეროვნული უნივერსიტეტი

უნივერსიტეტის საზოგადოებასთან ურთიერთობისა და სერვისების მართვის დეპარტამენტის (შემდგომში-დეპარტამენტი) კომპეტენციაში შედის:

• უნივერსიტეტში შეხვედრებისა და ღონისძიებების ორგანიზება;
• შეხვედრები უნივერსიტეტთან დაკავშირებულ საორგანიზაციო საკითხებზე ფიზიკურ თუ იურიდიულ პირებთან და შემდგომ რექტორისთვის მოხსენება;
• სტუდენტთა და დაინტერესებულ პირთა მხრიდან  ნებისმიერი საკითხის, მათ შორის პრობლემების, რექტორისთვის მიწოდება;
• ერთიანი ეროვნული და სამაგისტრო  გამოცდებით ასევე მობილობით გადმოსულ სტუდენტთათვის ხელშეკრულების პირობების (გადასახადის გრაფიკების, ფინანსური შეღავათების, სტიპენდიების) რექტორთან შეთანხმება და აღნიშნული ინფორმაციის შესაბამის სამსახურისთვის მიწოდება;
• აბიტურიენტთა ინფორმირება საგანმანათლებლო პროგრამების, ფინანსური შეღავათების, სტუდენტთა სასწავლო და საუნივერსიტეტო ცხოვრების შესახებ;უნივერსიტეტის შენობაში არსებული ფართის სხვა რომელიმე გარე სამსახურისთვის დროებით სარგებლობისთვის დათმობის შესახებ რექტორის ინფორმირება გადაწყვეტილების მიღების მიზნით;
• სტუდენტთა ადმინისტრაციული და აკადემიური რეგისტრაციის, შიდა და გარე მობილობის პროცესის გამართული მუშაობის უზრუნველყოფა და ამ მიზნით სეუ-ს სხვადასხვა სტრუქტურულ ერთეულებთან ერთად გასატარებელი ღონისძიებების დაგეგმვა და განხორციელების  კონტროლი
• საინფორმაციო სამსახურისთვის  რეგულარულად ინფორმაციების მიწოდება და მათ მიერ დაინტერესებულ პირთათვის მიწოდებულ ინფორმაციის კონტროლი;
• სტუდენტურ საქმეთა მენეჯერების საქმიანობის დაგეგმვა და შესრულების მონიტორინგი;
• საზოგადოებასთან ურთიერთობის სამსახურის საქმიანობის დაგეგმვა და შესრულების მონიტორინგი;
• კულტურისა და სპორტის  სამსახურის საქმიანობის დაგეგმვა განხორციელების პროცესის მონიტორინგი;
• სამედიცინო დახმარების  სამსახურის საქმიანობის მონიტორინგი;
• სეუ-ფიტნესის გამართულად ფუნქციონიერბისთვის საჭირო ღონისძიებების დაგეგმვა და კონტროლი;
• უნივერსიტეტის  საერთო საცხოვრებლის მონიტორინგი;
• კონტენტ მენეჯერისთვის ინფორმაციის დროულად მიწოდება და კონტროლი;
• სტუდენტის კმაყოფილების და საჭიროების კვლევა შეფასება.
  
  

დეპარტამენტი  თავისი კომპეტენციის ფარგლებში ანგარიშვალდებულია  რექტორის წინაშე;

დეპარტამენტის უფროსი

• დეპარტამენტს ხელმძღვანელობს უფროსი, რომელსაც თანამდებობაზე ნიშნავს და ათავისუფლებს  რექტორი.
• დეპარტამენტის უფროსი ანგარიშვალდებულია   რექტორის წინაშე და ასრულებს მის მიერ კანონისა და ამ დებულების   საფუძველზე დაკისრებულ მოვალეობებს.
• დეპარტამენტის  უფროსის ფუნქციები განსაზღვრულია სამუშაოს აღწერილობის შესაბამისად.

დეპარტამენტის შემადგენლობაშია შემდეგი სტრუქტურული ერთეულები:

• საზოგადოებასთან ურთიერთობის სამსახური;
• სტუდენტურ საქმეთა სამსახური;
• საინფორმაციო სამსახური;
• კულტურისა და სპორტის სამსახური;
• სამედიცინო დახმარების სამსახური;
• საერთო საცხოვრებელი;
• სეუ-ფიტნესი.